adunay "gilay-on" aron adunay
masukod ang sulod sa atong dughan,
aron adunay maabot ang atong ghuna-huna
masukod niini ang kal-ang
sa imong ngipon ngadto
sa gilay-on sa imong katawa.
ang distansya sa gabarog nga poste
ngadto sa matag tikang.
tungod sa gilay-on, nasukod nato
ang kahilom sa atong matag pulong,
ang gibug-aton sa nangaging higayon
adunay gilay-on, ug nasayod ka niini
sa susamang rason kung nganong
wa ta magkita, magkakuyog karon
ug kung nganong gahangad ako sa buwan
aron dungawon ang nabating kahaw-ang
by: adonis durado
No comments:
Post a Comment